मार्टिन चौतारीको नयाँ पुस्तक

नेपाली पत्रकारिताको विकास र विस्तारमा क्रियाशील मार्टिन चौतारीले नयाँ पुस्तक प्रकाशन गरेको छ । मिडिया सम्वादः नेपाली पत्रकारिताबारे अन्तर्वार्ता पुस्तक चौतारी पुस्तक श्रृंखला अन्तर्गतको ३७ औँ कृति हो । चौतारीका मिडिया अनुसन्धानकर्ता शेखर पराजुलीद्वारा सम्वादित पुस्तकमा नेपालको छापा मिडियादेखि विद्युतीय मिडियामा आवद्ध अग्रज पत्रकारका साथै पत्रकारितासँग सम्बन्धित संस्थाहरुसँग गरिएको अन्तर्वार्ता समेटिएको छ ।

नेपाली मिडियाका विभिन्न पक्षबारे बहस चलाउने हेतुले प्रकाशन गरिएको यो पुस्तक मिडियाका विद्यार्थी, अनुसन्धानकर्ता, पत्रकार र मिडियासम्बन्धी रूची राख्ने सबैलाई उपयोगी हुनका साथै नेपाली पत्रकारिताको वास्तविकता चित्रण यस पुस्तकले गर्ने काम गरेको छ ।

पुनर्जागरण, ८ माघ २०६४, पृ. ६