Workshop of Women Researchers II – 2024
Details
मार्टिन चौतारीले जेठ ६, २०८१ (मे १९, २०२४) आइतबार महिला अनुसन्धाता कार्यशाला-२ को आयोजना गर्दैछ । काठमाडौँको थापाथलीस्थित मार्टिन चौतारीको सभाकक्षमा हुने यस कार्यशालाका निम्न उद्देश्य छन् : १) नेपालमा मानविकी तथा समाज विज्ञानको क्षेत्रमा कार्यरत महिला अनुसन्धानकर्तालाई प्रवर्द्धन गर्ने, र २) सार्वजनिक मञ्चहरूमा महिला उपस्थिति बढाउन प्रेरित गर्ने । त्यसैले मानविकी तथा समाज विज्ञानका विभिन्न विषयमा अनुसन्धानरत महिला अनुसन्धानकर्ताका प्रस्तुतिहरू यस कार्यशालामा रहनेछन् । यो कार्यशालाको पहिलो चरण चैत ४, २०८० (मार्च १७, २०२४) मा सम्पन्न भएको थियो । शुरूको योजना अनुसार सबै प्रस्तुतिहरू एकै चरण (चैत ४-५) मा समेट्ने बताइएको भए पनि केही अनुसन्धातालाई त्यो समय अनुकूल हुन नसकेका कारण यो कार्यशाला दुई चरणमा सम्पन्न गर्ने निर्णय गरिएको थियो ।
यस महिला अनुसन्धाता कार्यशाला-२ मा तीन ओटा प्रस्तुतिहरू रहनेछन् भने हरेक प्रस्तुतिपछि सम्बन्धित अनुसन्धानपत्रमाथि प्रश्नोत्तर सहितको खुला छलफल हुनेछ ।