स्वतन्त्र रेडियोको एक दशक : विकास, बहस र सामाजिक सरोकार

Last Updated on Thursday, 26 January 2012 07:11 Friday, 25 March 2011 09:47

स्वतन्त्र रेडियोको एक दशक : विकास, बहस र सामाजिक सरोकार
चौतारी पुस्तक शृङ्खला ४८

सम्पादक : देवराज हुमागाई, प्रत्यूष वन्त र कोमल भट्ट
पृष्ठ ३६४, मूल्य २००
ISBN: 978-9937-8094-3-6

यो पुस्तक- स्वतन्त्र रेडियोको एक दशक : विकास, बहस र सामाजिक सरोकार- नेपालका स्वतन्त्र रेडियोको क्षेत्रमा विगत एक दशकमा हासिल उपलब्धि र देखिएका चुनौतीसम्बन्धी बहसमा केन्द्रित छ । पुस्तक तीन खण्डमा विभाजित छ । पहिलो खण्डले एक दशकमा रेडियो प्रसारणमा भएका संस्थागत विकासबारे जानकारीका साथै वर्तमान चुनौतीहरूसँग परिचित गराउँछ । यसभित्र स्वतन्त्र रेडियोबारे नीतिगत कमीकमजोरी, सर्वोच्च अदालतले नजीरका रूपमा स्थापित गरिदिएका कानूनी उपलब्धिहरू, प्राविधिक रूपमा भोग्नुपरेका कठिनाई, रेडियो नेटवर्कबारेको जानकारी र रेडियो व्यवस्थापनमा देखिएका कठिनाइहरू समेटिएका छन्‍ । दोस्रो खण्डमा सामाजिक सरोकारका कार्यक्रमअन्तर्गत महिला, थारू, दलित तथा मधेसीसम्बन्धी केही सवालहरूबारे चर्चा र विश्लेषण छ । वर्तमान नेपालमा चर्को बहसको विषय बनेका महिला, जनजाति, दलित तथा मधेसी समुदायको समावेशीकरण तथा सशक्तिकरणको सन्दर्भमा एफएम रेडियोले खेल्दै आएको तथा खेल्नसक्ने भूमिका बुझ्न यस खण्डका लेखहरू उपयोगी छन्‍ । अन्तिम खण्डमा एफएम रेडियोमा श्रोताको पहुँच र सहभागिताबारे चर्चा छ । रेडियो तरङ्गसम्म नेपाली नागरिकको पहुँच कति छ र एफएम रेडियोले कस्तो सामाजिक सम्बन्ध निर्माण गरेका छन्‍ भन्ने कुराको त्यहाँ लेखाजोखा गरिएको छ ।    एफएम रेडियोका आर्थिक, प्राविधिक, नीतिगत तथा कानूनी, श्रोता, कार्यक्रम, आदिबारे थप अनुसन्धान गर्न यो पुस्तकले एउटा बलियो आधार निर्माण गरेको छ । समस्त रेडियोकर्मी, मिडिया अध्येता र हाल नेपालमा भइराखेको सामाजिक रूपान्तरणबारे चासो राख्ने सबैलाई यो पुस्तक उपयोगी छ ।

देवराज हुमागाईं, प्रत्यूष वन्त र कोमल भट्ट मार्टिन चौतारीमा आबद्ध अनुसन्धानकर्ता हुन् ।


विषयसूची

प्राक्कथन     
परिचयःएफएम रेडियो र यससम्बन्धी बहसको दिशा
देवराज हुमागाई

संस्थागत पक्ष
एकः   स्वतन्त्र रेडियोका दस वर्ष : चौबाटोको अलमल   
गोपाल गुरागाई

दुईः    नीतिगत र कानूनी अन्योलबीच नेपालका सामुदायिक रेडियो     
देवराज हुमागाई

तीनः   नेपालमा एफएम रेडियो प्रसारण : फ्रिक्वेन्सी अवस्था र व्यवस्था
पवनप्रकाश उप्रेती   

चारः   एफएम रेडियोको सशक्तिकरणमा अदालतको भूमिका     
माधब कुमार बस्नेत 

पाँचः   नेपालमा एफएम रेडियोको नेटवर्क  
कोमल भट्ट

छः    एफएम रेडियो व्यवस्थापनका चुनौती
विनय गुरागाई

सामाजिक सरोकारका कार्यक्रम
सातः   रेडियो अन्तर्वार्तामा नेपाली महिलाको संवाद शैली 
हरिकला अधिकारी

आठः   थारू भाषामा रेडियो कार्यक्रम : सङ्‍ख्यामै जोड    
कृष्णराज सर्वहारी

नौः    रेडियो प्रसारणमा दलित : कार्यक्रमका विषय र अवस्था  
जेबी विश्वकर्मा

दसः   काठमाडौँका एफएम रेडियोमा मैथिली भाषाका कार्यक्रम   
धीरेन्द्र प्रेमषि

श्रोताको पहुँच र सहभागिता
एघारः  स्वतन्त्र रेडियो र श्रोता : बहसका केही सवाल
प्रत्यूष वन्त

बाह्रः   रेडियो मदनपोखरा र सामुदायिक सहभागिता
गुणाकर अर्याल

लेखक परिचय

< Prev		Next >