चौतारी पुस्तक शृङ्खला २०
| मोरङमा पत्रकारिताको अर्धशताब्दी
प्रमोद प्रधान पहिलो संस्करण २०६१ / सन् २००४ पृष्ठ २२२ , मूल्य १७५ ISBN 99933-812-6-8 |
 |
नेपालमा काठमाडौं उपत्यकाभन्दा बाहिरका विभिन्न क्षेत्रमा पनि पत्रकारिताको अभ्यास भइरहेको छ । केही क्षेत्रको छापा पत्रकारिताले छ लामो इतिहास बोकेको छ । व्यवस्थित रुपमा यस्ता अभ्यासको लेखाजोखा गर्ने काम भने त्यति भएको पाइदैन । तर पछिल्लो तीन - चार वर्षा क्षेत्रीय पत्रकारिताबारे केही अधययन अनुसन्धान हुन थालेका छन् । यस्ता अध्ययनका केही लेखनी पुस्तकको रुपमा बजारमा उपलब्ध भए पनि तिनमा समावेश विषयवस्तु र विश्लेषण निकै सतही र मलिन देखिन्छ । मोरङमा पत्रकारिताको अर्धशताब्दी क्षेत्रीय पत्रकारिताको अध्ययनलाई अलि व्यवस्थित र सशक्त बनाउने एउटा सानो उदाहण हो ।
यस पुस्तकमा मोरङको पात्रकारिताको वस्तुगत स्थिति र त्यसको गुण / दोषलाई केलाइएको छ । यहाँको पत्रकारिताको करिब ५० वर्षो इतिहासको सिलसिलेवार वर्णन पनि यसमा समावेश छ । हुन त मोरङको पत्रकारिताबारे केही लेखनीहरु देखा नपरेका होइनन् । तर ती अपर्याप्त थिए । यो कमीको सम्पूर्ण क्षतिपूर्ति यस पुस्तकले नगरे पनि मोरङको पत्रकारिताको साङ्गोपाङ्गो संसार भने कोरेको छ । यसमा मोरङको पत्रकारिताबारे विविध तथ्यहरु मिहिन र विस्तृत रुपमा प्रस्तुत भएका छन् । त्यसैले विश्वस्त भएर भनन सकिन्छ अबका दिनमा हुने मोरङको पत्रकारिताको अध्ययन अन्वेषणको लागि यो पुस्तक उदाहरण बन्ने कुरामा पनि निश्चिन्त हुन सकिन्छ । अझ विशेषतः धेरै विधामा मोरङ अग्रणी रहेका विशवास पालेर बसेकाहरुलाई यहाँको पत्रकारिता देशका अन्य धेरै क्षेत्रभन्दा किन निकै पछि परेको हो भनेर कमीकमजोरी केलाउने आधार पनि यो पुस्तकले दिने छ ।
पुस्तकमा के छ -
प्रकाशकीय
शुभेच्छा
प्राक्कथन
संक्षिप्त नाम सूची
एकः नेपालमा पत्रकारिताको प्रारम्भ र विकास
दुई मोफसलमा पत्रकारिताको थालनी र मोरङ जिल्ला
तीनः समाचार पत्रकारिता
चारः पाँचदशकको समाचार पत्रकारिताः स्थिति , प्रवृत्ति, समस्या र सम्भावना
पाँचः मोरङका समाचारदाता
छः साहित्यिक र अन्य पत्रकारिता
सात बाल - भित्तेपत्रिका
आठः विद्युतीय सञ्चारमाध्यमहरू
नौः पत्रकारिताको विकासमा संस्थागत प्रयास
दसः मोरङका केही महत्वपूर्ण पत्रकारहरू
सन्दर्भ सामग्री
परिशिष्ट
क . मोरङको परिचयात्मक विवरण र तथ्याङ्क
ख . पहिलो अङ्कका सम्पादकीयहरू
ग . साहित्यिक र अन्य पत्रिकाका सम्पादकीयहरू
घ . मोरङको समाचार पत्रिकाको सूची
ङ . साहित्यिक र अन्य पत्रिकाको सूची
च . मोरङबाट प्रकाशित बुलेटिनको सूची
छ . मोरङबाट प्रकाशित स्मारिकाको सूची
ज . कार्यशालाको निष्कर्ष